អត្ថបទទី៤ របស់លោក ចៅ ស៊ិញ មានចំណងជើងថា «ឥទ្ធិពលនៃការច្រូតស្រូវខ្ចី និងពូជខុសគ្នាទៅលើទិន្នផលនិងលក្ខណៈភាពអន្ធិលរបស់អង្ករសម្រូប (Effect of Early Harvest and Variety Difference on Grain Yield and Pasting Properties of Brown Rice)» ត្រូវបានបោះពុម្ពផ្សាយដោយទស្សនាវដ្ដី Crops MDPI ។ យើងសូមជូនសេចក្ដីសង្ខេប និងសេចក្ដីសន្និដ្ឋាន ជាភាសាខ្មែរដូចខាងក្រោម ។ សេចក្ដីសង្ខេប ៖ អង្ករបៃតងដែលប្រមូលផលមុនពេលស្រូវទុំត្រូវបានរកឃើញថា មានតម្លៃអាហារូបត្ថម្ភខ្ពស់ជាងអង្ករសម្រូបស្រូវទុំ ។ ការធ្វើពិសោធន៍រយៈពេលពីរឆ្នាំដោយដាំស្រូវក្នុងលក្ខខណ្ឌស្រូវចម្ការត្រូវបានធ្វើឡើងដើម្បីកំណត់អំពីប្រសិទ្ធភាពនៃប្រភេទពូជ ការច្រូតស្រូវខ្ចី និងអន្តរកម្មនៃកត្តាទាំងពីរនេះទៅលើទិន្នផល និងលក្ខណៈភាពអន្ធិលរបស់អង្ករសម្រូប ។ ស្រូវចំនួន ៨ ពូជ ត្រូវបានដាំនៅក្នុងលក្ខខណ្ឌទឹកគ្រប់គ្រាន់ ឬខ្វះខាតទឹក និងប្រមូលផលក្នុងចន្លោះ ១៥ ទៅ ៣៥ ថ្ងៃបន្ទាប់ពីចេញផ្កា ។ ទិន្នផលអង្ករបៃតងអតិបរមាអាចទទួលបាននៅពេលច្រូតកាត់ក្នុងចន្លោះ ២០ ទៅ ២៥ ថ្ងៃបន្ទាប់ពីចេញផ្កាក្នុងលក្ខខណ្ឌទឹកគ្រប់គ្រាន់ និងពីចន្លោះ ១៥ … Continue reading ឥទ្ធិពលនៃការច្រូតស្រូវខ្ចី និងពូជខុសគ្នាទៅលើទិន្នផលនិងលក្ខណៈភាពអន្ធិលរបស់អង្ករសម្រូប
ឥទ្ធិពលនៃកម្រិតដុះរបស់ពូជស្រូវផ្សេងៗទៅលើលក្ខណៈភាពអន្ធិលរបស់ម្សៅ និងវាយនភាពរបស់បាយអង្ករសម្រូប
អត្ថបទទី២ របស់លោក ចៅ ស៊ិញ មានចំណងជើងថា «ឥទ្ធិពលនៃកម្រិតដុះរបស់ពូជស្រូវផ្សេងៗទៅលើលក្ខណៈភាពអន្ធិលរបស់ម្សៅ និងវាយនភាពរបស់បាយអង្ករសម្រូប (Effect of germination level on properties of flour paste and cooked brown rice texture of diverse varieties)» ត្រូវបានទទួលយកទៅបោះពុម្ពផ្សាយដោយទស្សនាវដ្ដី Journal of Cereal Science ។ យើងសូមជូនសេចក្ដីសង្ខេប និងសេចក្ដីសន្និដ្ឋាន ជាភាសាខ្មែរដូចខាងក្រោម ។ សេចក្ដីសង្ខេប ៖ អង្ករសម្រូបសម្បូរសារធាតុសរសៃ សារធាតុរ៉ែ និងសមាសធាតុជីវសកម្ម ប៉ុន្តែវាមិនត្រូវបានគេទទួលទានជាទូទៅទេ ដោយសារវាមានវាយនភាពរឹង និងពិបាកទំពារ ហើយចំណាយពេលយូរក្នុងការដាំបាយ ។ គេអាចធ្វើការកែលំអគុណវិបត្តិទាំងនេះបានដោយការបណ្ដុះគ្រាប់ស្រូវ និងការជ្រើសរើសពូជដែលសមស្រប ។ ឥទ្ធិពលនៃកម្រិតដុះ និងភាពល្អៀងគ្នានៃប្រភេទពូជផ្សេងៗ ទៅលើចរិកលក្ខណៈរបស់ម្សៅ និងវាយនភាពរបស់បាយ ត្រូវបានធ្វើការវាយតម្លៃចំពោះស្រូវចំនួន ៨ពូជ ដែលក្នុងនោះ ៦ ពូជ ជាស្រូវខ្សាយ និង … Continue reading ឥទ្ធិពលនៃកម្រិតដុះរបស់ពូជស្រូវផ្សេងៗទៅលើលក្ខណៈភាពអន្ធិលរបស់ម្សៅ និងវាយនភាពរបស់បាយអង្ករសម្រូប
កត្តាកំណត់ពីភាពខុសគ្នានៃសេណេទិកក្នុងល្បឿនដុះរបស់គ្រាប់ស្រូវ
ថ្មីៗនេះ លោក ចៅ ស៊ិញ បានចេញផ្សាយអត្ថបទមួយមានចំណងជើងថា «កត្តាកំណត់ពីភាពខុសគ្នានៃសេណេទិកក្នុងល្បឿនដុះរបស់គ្រាប់ស្រូវ (Factors determining genotypic variation in the speed of rice germination)» នៅក្នុងទស្សនាវដ្ដី Agronomy-DMPI ។ យើងសូមជូនខ្លឹមសារជាខ្មែរនៃសេចក្ដីសង្ខេប និងសេចក្ដីសន្និដ្ឋាន ដូចខាងក្រោម ៖ សេចក្ដីសង្ខេបៈ ដំណុះលឿនគឺមានសារសំខាន់ទាំងក្នុងការដាំស្រូវដោយគ្រាប់ផ្ទាល់នៅស្រែ និងការផលិតអង្ករស្រូវដុះដែលជាអាហារល្អសម្រាប់សុខភាព ។ គោលបំណងនៃការសិក្សានេះគឺធ្វើការវាយតម្លៃពីភាពខុសគ្នានៃសេណេទិកក្នុងល្បឿនដុះរបស់គ្រាប់ស្រូវ និងកំណត់អត្តសញ្ញាណកត្តាដែលកំណត់ល្បឿនដុះ ។ ការពិសោធន៍ចំនួន ៧ ត្រូវបានធ្វើឡើងដើម្បីកំណត់ ៖ (១) ផលវិបាកនៃការបកស្រទាប់អង្កាមទៅលើការស្រូបយកទឹក និងដំណុះរបស់គ្រាប់ស្រូវ (២) សង្គតភាពនៃសេណេទិកក្នុងល្បឿនដុះរបស់គ្រាប់ស្រូវដែលបានមកពីការដាំដុះនិងប្រមូលផលបីឆ្នាំជាប់គ្នា (៣) ឥទ្ធិពលរបស់ទំហំគ្រាប់ស្រូវលើល្បឿននៃដំណុះ ។ ល្បឿនដុះរបស់គ្រាប់ស្រូវ និងអង្ករសម្រូបមានទំនាក់ទំនងគ្នានឹងអត្រាសំណើមរបស់គ្រាប់នៅដំណាក់កាលដំបូងបន្ទាប់ពីត្រាំ ប៉ុន្តែក៏មានអន្តរកម្មរវាងពូជស្រូវនិងប្រភេទគ្រាប់ (ស្រូវ និងអង្ករសម្រូប) ផងដែរ ហើយពូជនីមួយៗមានប្រតិកម្មខុសគ្នាទៅនឹងការបកស្រទាប់អង្កាម ។ គ្រាប់ស្រូវដែលដាំដុះក្នុងលក្ខខណ្ឌខ្វះខាតទឹកមានល្បឿនដុះយឺតជាងគ្រាប់ស្រូវដាំដុះក្នុងលក្ខខណ្ឌទឹកគ្រប់គ្រាន់បន្តិច ។ ក្នុងចំណោមសេណេទីបស្រូវបានមកពីការបង្កាត់រវាងពូជ Sherpa និង IRAT109 គ្រាប់ស្រូវដែលមានទំហំតូច មានទំនោរដុះលឿនជាងគ្រាប់ដែលមានទំហំធំជាង ប៉ុន្តែទំហំគ្រាប់របស់ពូជស្រូវប្រភេទស្ដង់ដាផ្សេងៗដែលបានសិក្សា គ្មានឥទ្ធិពលទៅលើល្បឿនដុះរបស់គ្រាប់ទេ ។ គេអាចសន្និដ្ឋានបានថា … Continue reading កត្តាកំណត់ពីភាពខុសគ្នានៃសេណេទិកក្នុងល្បឿនដុះរបស់គ្រាប់ស្រូវ
ខែមសាខចូលរួមចំណែកផ្ដល់កង់ដើម្បីពុទ្ធិ
នៅពេលបញ្ជូនក្មេងទៅសាលារៀន គេត្រូវការជាចាំបាច់នូវឯកសណ្ឋាន និងសម្ភារៈសិក្សា ដូចជា កាបូបស្ពាយ សៀវភៅ ប៊ិកខ្មៅដៃ ជាដើម ។ ទន្ទឹមនឹងនេះ គេក៏គួរគិតគូរពីមធ្យោបាយដែលក្មេងអាចធ្វើដំណើរទៅកាន់ និងត្រលប់ពីសាលារៀនមកវិញផងដែរ ព្រោះវាជារឿងមួយអាចជះឥទ្ធិពលដល់សតិអារម្មណ៍ និងការសិក្សារបស់ក្មេង ។ ស្របពេលដែលគ្រួសារមួយចំនួនមិនព្រួយបារម្ភពីការទិញកង់ម៉ូតូឡានសម្រាប់ឲ្យកូនរបស់ពួកគេធ្វើដំណើរទៅសាលារៀន គ្រួសារមួយចំនួនទៀតមានការខ្វះខាតក្នុងជីវភាព គ្មានលទ្ធភាពដូចនេះឡើយ ។ បញ្ជីសប្បុរសជនដែលបានចូលរួមក្នុងការរៃអង្គាសថវិកា ដើម្បីចូលរួមចំណែកឲ្យកូនសិស្សក្រីក្រនៅជនបទអាចធ្វើដំណើរទៅសាលារៀនបានងាយស្រួល និងចំណេញពេលវេលា សមាគមនិស្សិតខ្មែរប្រចាំរដ្ឋឃ្វីនស្លែន (ខែមសាខ) បានរៀបចំកម្មវិធីមួយនៅថ្ងៃទី៣០ ខែវិច្ឆិកា ឆ្នាំ២០១៩ ដើម្បីរៃអង្គាសថវិកាទិញកង់ចែកជូនកូនសិស្សក្រីក្រនៅក្នុងស្រុកពួក ខេត្តសៀមរាប ។ ថវិកាទទួលបានសរុបមានចំនួន ៨១៨ ដុល្លាអូស្ត្រាលី ។ ថវិកាសន្យាប្រគល់ជូនបណ្ដាញ «កង់ពុទ្ធិ» តែបានយកមកចាត់ចែងខ្លួនឯងវិញ ដំបូងឡើយ ខែមសាខ មានបំណងចូលរួមជាមួយបណ្ដាញ «កង់ពុទ្ធិ» នៅភ្នំពេញ ដើម្បីឲ្យបណ្ដាញនេះចាត់ចែងទិញកង់ និងចែកជូនតាមគម្រោងផែនការសកម្មភាពការងាររបស់ខ្លួន ដោយតំណាងខែមសាខ បានជួបនិងប្រគល់ថវិកាដែលរៃអង្គាសបាននេះ ជូនដល់លោក លាក់ រតនា តំណាងក្រុមការងារស្ម័គ្រចិត្ត «កង់ពុទ្ធិ» នៅថ្ងៃទី១៤ ខែធ្នូ ឆ្នាំ២០១៩ ។ ប៉ុន្តែដោយមានការរីករាលដាលជាសាកលនៃជំងឺកូវីដ‑១៩ គម្រោងចែកកង់ដល់កូនសិស្សក្រីក្រ ក៏ត្រូវបានជាប់គាំងមួយរយៈពេល ។ លុះមកដល់ដើមឆ្នាំ២០២១ ថ្នាក់ដឹកនាំខែមសាខ បានសម្រចថា … Continue reading ខែមសាខចូលរួមចំណែកផ្ដល់កង់ដើម្បីពុទ្ធិ
សួស្ដីឆ្នាំថ្មី ឆ្នាំឆ្លូវ ត្រីស័ក ពុទ្ធសករាជ ២៥៦៥
រដ្ឋគួរដើរតួនាទីសំខាន់ក្នុងការការពារផលប្រយោជន៍អ្នកប្រើទូរស័ព្ទចល័ត
ដោយ ចៅ ស៊ិញ | ការប្រើប្រាស់ទូរស័ព្ទដៃនៅកម្ពុជាមានកំណើនឆាប់រហ័ស និងរីករាយដាលទៅគ្រប់ទីតំបន់នៅទូទាំងប្រទេស ។ នេះអាចបណ្ដាលមកពីទូរស័ព្ទដៃ ជាពិសេសទូរស័ព្ទទំនើប (Smart phone) មានភាពសម្បូណ៌បែប ដែលក្នុងនោះ ទូរស័ព្ទខ្លះមានតម្លៃសមរម្យដែលប្រជាជនអាចមានលទ្ធភាពជាវយកមកប្រើប្រាស់បាន និងសេវាទូរស័ព្ទបានគ្របដណ្ដប់ដល់ទីតំបន់ជនបទនានាដែលមានប្រជាជនរស់នៅ ។ តាមទិន្នន័យរបស់ក្រសួងប្រៃសណីយ៍ និងទូរគមនាគមន៍ គិតត្រឹមខែមករា ឆ្នាំ២០២០ នៅប្រទេសកម្ពុជាមានក្រុមហ៊ុនផ្ដល់សេវាទូរស័ព្ទចល័តចំនួន ៧ ។ លេខទូរស័ព្ទរបស់ក្រុមហ៊ុននីមួយៗមានក្បាលលេខសម្គាល់ដាច់ដោយឡែករៀងខ្លួន ។ ក្នុងនោះក្រុមហ៊ុន CamGSM មានក្បាលលេខសម្គាល់រហូតដល់ ១៥ រីឯក្រុមហ៊ុន EMAXX, South East Asia Tele និង Xinwei មានក្បាលលេខសម្គាល់តែមួយប៉ុណ្ណោះ ។ ចំនួនទូរស័ព្ទដែលកំពុងប្រើប្រាស់ មានជិត ២២ លានគ្រឿង ដែលចំនួននេះច្រើនជាងចំនួនប្រជាជនសរុបទូទាំងប្រទេស ប្រមាណ ១,៥ ដង ។ តួលេខនេះបង្ហាញថា ប្រជាជនខ្មែរ ជាពិសេស អាជីវករ ប្រើទូរស័ព្ទដៃច្រើនជាងមួយគ្រឿង សម្រាប់ទាក់ទងគ្នា ។ តើអ្វីទៅជាមូលហេតុដែលតម្រូវឲ្យកាន់ទូរស័ព្ទច្រើនគ្រឿងដូចនេះ ? នៅកម្ពុជា តម្លៃនៃការហៅទូរស័ព្ទមានការប្រែប្រួលខុសគ្នាតាមម៉ោងពេល តាមការហៅទៅលេខក្នុងប្រព័ន្ធជាមួយគ្នា និងការហៅទៅក្រៅប្រព័ន្ធ ដែលក្នុងនោះ ការហៅឆ្លងប្រព័ន្ធគឺមានតម្លៃថ្លៃជាងគេ ។ … Continue reading រដ្ឋគួរដើរតួនាទីសំខាន់ក្នុងការការពារផលប្រយោជន៍អ្នកប្រើទូរស័ព្ទចល័ត
ឋានសួគ៌នៅឯណា?
ដោយ ឈាត ស្រ៊ាង | មនុស្សខ្មែរភាគច្រើនដែលប្រតិបត្តិព្រះពុទ្ធសាសនា និងជឿលើការទេសនារបស់ព្រះសង្ឃអំពីសេចក្តីសុខ តែងស្រមៃចង់ទៅឋានសួគ៌។ អ្វីដែលផ្សាយតៗគ្នារហូតមក គឺឋានសួគ៌មាន តែទាល់តែជាតិក្រោយ។ មានន័យថា ទាល់តែក្រោយការស្លាប់ ព្រោះព្រសង្ឃជឿថា ជីវិតនឹងកើតទៀត ដោយអំណាចកម្មផល។ ប៉ុន្តែចុះបើមិនមានជាតិក្រោយវិញ? ចុះបើយើងរកឃើញឋានសួគ៌នៅក្នុងពេលដែលយើងរស់នៅវិញ វានឹងក្លាយជារឿងប្រពៃណាស់ទៅ ហើយ ដោយមិនចាំបាច់ឲ្យយើងរង់ចាំដល់ជាតិក្រោយ ដែលមិនដឹងថាមានឬអត់ផងនោះ។ ពេលនេះ ខ្ញុំចង់ចូលរួមធ្វើការបកស្រាយអំពីជំនឿអំពីឋានសួគ៌នេះ និងផ្លូវទៅរកឋានសួគ៌ក្នុងជាតិនេះដោយពិតៗ។ ដើម្បីឆ្លើយនឹងសំនួរថាតើឋានសួគ៌នៅឯណា? ឬឯណាទៅឋានសួគ៌? យើងអាចយកការបកស្រាយនៅក្នុងចំរៀងល្បី១បទរបស់លោកស៊ិនស៊ីសាមុត ក្រោមចំណងជើងថា ឯណាទៅឋានសួគ៌ មកផ្តល់ជាគតិខ្លះៗ។ ឆ្លើយនឹងសំនួរដែលលើកឡើងដោយនារីម្នាក់ជាគូស្នេហ៍ថា ឯណាទៅឋានសួគ៌ អ្នកនិពន្ធបានធ្វើការបង្ហាញថា នៅលើថ្ពាល់ លើភ្នែក លើទ្រូងស្នេហ៍ អូនដឹងទេនេះជាឋានសួគ៌យើង ធ្វើចាបភ្លើងមិនខ្លាចភ្លើង ភ្លើងស្នេហ៍មិនក្តៅទេអូន ត្រជាក់ណាស់ស្ងួនព្រលឹង។ បងនឹកស្មានតែឋានសួគ៌នៅឆ្ងាយ ឆ្ងាយឯណានៅជិតបង្កើយ មួយជីវិតស្គាល់ឋានសួគ៌ហើយ នរកនៃចិត្តក្បត់អើយ កុំឲ្យខ្ញុំជួប។អូនថែពន្លឺស្នេហា ចិត្តនិងចិត្តជឿគ្នា កុំក្បត់គ្នាងាយៗ ខ្លាចគេនិយាយ សើចពេបជ្រាយ ឡកឡើយដៀលស្នេហាយើង។គេងកើយទ្រូងបងមកព្រលឹង មួយយប់ហ្នឹងយើងនៅទល់ភ្លឺ អត់ងងុយបើស្អែកឡើងឈឺ បងជាអ្នកថែជំងឺ ថ្នមអូនផ្ទាល់ដៃ។ នេះជាចំរៀងស្នេហាប្រុសស្រី១គូ … Continue reading ឋានសួគ៌នៅឯណា?
ស្ងប់ចិត្ត៖ កម្ពុជាគួរបើកយុទ្ធនាការស្វែងរកគ្រួសារបែកបាក់ដោយសង្គ្រាម!!!
ដោយ ឈាត ស្រ៊ាង | នេះជាអត្ថបទស្ដីពីការបាត់បង់សាច់ញាតិ អំពីការរង់ចាំដំណឹង និងអំពីអ្វីដែលសង្គមអាចធ្វើបានដើម្បីឲ្យអ្នកដែលកំពុងរង់ចាំដំណឹងពីមនុស្សដែលខ្លួនស្រលាញ់បានស្ងប់ចិត្ត។ ខ្ញុំធ្លាប់បាត់បង់សាច់ញាតិ។ ឪពុកខ្ញុំបានធ្វើមរណៈកាលកាលពី៣០ឆ្នាំមុន ពេលខ្ញុំមានអាយុទើប១០ឆ្នាំប៉ុណ្ណោះ។ តាមពិត ប្អូនប្រុសពៅខ្ញុំម្នាក់ ដែលទើបមានអាយុ៤ឆ្នាំ ក៏បានស្លាប់ជាមួយគាត់ដែរ។ ពួកគាត់ទាំងពីរត្រូវបានសម្លាប់ដោយពួកទ័ពព្រៃ ដែលចូលមកលួចប្លន់ភូមិខ្ញុំជាញឹកញាប់ក្នុងទសវត្សរ៍ឆ្នាំ១៩៨០។ ព្រឹត្តិការណ៍នេះកើតឡើងក្រោយការដួលរលំនៃរបបប៉ុលពត។ ការបាត់បង់នេះ ផ្លាស់ប្តូរជីវិតខ្ញុំ និងគ្រួសារខ្ញុំទាំងស្រុង។ ពេលខ្លះ ខ្ញុំក្តុកក្តួល ខ្ញុំនឹករលឹក ខ្ញុំសោកសៅ ខ្ញុំស្តាយស្រណោះ ខ្ញុំមានអារម្មណ៍កំសត់ ដែលឪពុកបានចាកចេញ អាណិតដែលប្អូនតូចម្នាក់ស្លាប់ទាំងមិនទាន់ដឹងក្តីផង។ ខ្ញុំធ្លាប់បង្ហូរទឹកភ្នែក នៅពេលខ្ញុំនឹកគាត់។ រឿងខ្ញុំកំសត់ ប៉ុន្តែខ្ញុំស្ងប់ចិត្តដោយខ្ញុំដឹងថា ពួកគាត់នឹងមិនអាចវិលវិញឡើយ ទោះមានពេលខ្លះ ខ្ញុំយល់សប្តិថាបានជួបគាត់វិញក៏ដោយ។ ខ្ញុំដឹងថា ការបាត់បង់របស់ខ្ញុំជារឿងកំសត់ណាស់ នេះខ្ញុំឃើញនឹងភ្នែកផ្ទាល់ថាពួកគាត់ទាំងពីបានចាកចេញ ពីខ្ញុំ និងគ្រួសារប្រាកដផង។ ចុះទំរាំ ការបែកបាក់ ការចាកចេញ និងបាត់បង់ ដែលមិនបានឃើញ មិនប្រាកដថា សាច់ញាតិទៅដល់ទីណាឲ្យប្រាកដ មិនដឹងថាគាត់ស្លាប់ឬរស់ បើរស់ តើរស់នៅក្នុងស្ថានភាពបែបណា។ តើអារម្មណ៍របស់យើងក្តុកក្តួលប៉ុណ្ណា? ម្យ៉ាងចង់ដឹងដំណឹងពីបងប្អូនសាច់ញាតិ ម្យ៉ាងមិនប្រាកដក្នុងចិត្តថា បើជាដំណឹងអាក្រក់ នឹងអាចទទួលយកបានបែបណា? … Continue reading ស្ងប់ចិត្ត៖ កម្ពុជាគួរបើកយុទ្ធនាការស្វែងរកគ្រួសារបែកបាក់ដោយសង្គ្រាម!!!
ប្រព័ន្ធអប់រំកុមារនៅអូស្ត្រាលីតាមបទពិសោធន៍ឪពុកម្ដាយខ្មែរ
ដោយ ចៅ ស៊ិញ | លំដាប់ថ្នាក់នៃប្រព័ន្ធអប់រំកុមារនៅប្រទេសអូស្ដ្រាលី មិនខុសគ្នាពីស្រុកខ្មែរទេ គឺមានកម្រិតមត្ដេយ្យ បឋមសិក្សា និងវិទ្យាល័យ ។ វិទ្យាល័យ (High School) មានពីរកម្រិតគឺ បឋមភូមិ (អនុវិទ្យាល័យ ថ្នាក់ទី៧ដល់ទី៩) និងឧត្ដមភូមិ (វិទ្យាល័យ ថ្នាក់ទី១០ដល់ទី១២) ។ ការរៀបចំនេះដូចគ្នានឹងវិទ្យាល័យមង្គលបុរីនៅស្រុកកំណើតរបស់ខ្ញុំ នៅឯខេត្តបន្ទាយមានជ័យដែរ គឺនៅទីនោះ ឈ្មោះសាលាជា វិទ្យាល័យ ប៉ុន្តែមានបូករួមបញ្ចូលគ្នាទាំងកម្រិតអនុវិទ្យាល័យ និងវិទ្យាល័យ ។ ខ្ញុំមានកូនបីនាក់ដែលបានចូលរៀននៅថ្នាក់មត្តេយ្យ បឋមសិក្សា និងវិទ្យាល័យ ។ អត្ថបទខាងក្រោមនេះ ជាការពិពណ៌នាអំពីបទពិសោធន៍ជាក់ស្ដែងរបស់ខ្ញុំ ជានិស្សិតខ្មែរម្នាក់ដែលបានបញ្ជូនកូនចូលទៅរៀនក្នុងប្រព័ន្ធអប់រំនៅប្រទេសអូស្ដ្រាលី ជាពិសេសក្នុងរដ្ឋឃ្វីនស្លែន ។ ឪពុកម្ដាយដទៃអាចមានបទពិសោធន៍ផ្ទុយពីអ្វីដែលខ្ញុំបានជួបប្រទះ ។ តម្លៃនានាបង្ហាញជូនគឺជាដុល្លាអូស្ត្រាលី និងគ្រាន់តែគោលសម្រាប់ពិចារណា ។ ១. ការអប់រំនៅកម្រិតមត្តេយ្យ មុនក្មេងមានអាយុ៥ឆ្នាំ ដែលច្បាប់តម្រូវឲ្យចូលរៀននៅបឋមសិក្សា ឪពុកម្ដាយមានជម្រើសមើលថែទាំកូនដោយខ្លួនឯងឬដោយសាច់ញាតិ ឬបញ្ជូនកូនទៅផ្ញើនៅមត្តេយ្យសាលារហូតដល់គ្រប់វ័យចូលរៀន ។ នៅកម្រិតមត្តេយ្យដែលជាផ្លូវការហៅថា «មណ្ឌលថែទាំកុមារ (Childcare Centre) ឬមណ្ឌលអប់រំកម្រិតដំបូង (Early learning Centre)» អាចជារបស់ឯកជន របស់សហគមន៍ ឬជារបស់ក្រុមប្រឹក្សាក្រុងឬក្រុមប្រឹក្សាតំបន់ ។ មណ្ឌលថែទាំកុមារខ្លះចែកក្មេងជាបីក្រុមគឺ ទារក … Continue reading ប្រព័ន្ធអប់រំកុមារនៅអូស្ត្រាលីតាមបទពិសោធន៍ឪពុកម្ដាយខ្មែរ